![Нүдний хязгаарлалт [1-2]](https://training.excel.mn/wp-content/uploads/2013/03/CR_1-150x150.jpg)
-
Санамсаргүй сонгогдсон мэдээллүүд
Тоо ба текстэн хязгаарлалт
Та бүхэнд энэ өдрийн мэнд хүргье. Та бүхний ажил хөдөлмөр бүгд сайн байгаа гэдэгт миний бие итгэлтэй байна. Намрын налгар өдрүүд эхэлж, хот маань хөдөлгөөнд орж байх шиг байна. Энэ л цаг мөчид шинэ сурагч, шинэ оюутанууд хотоор нэг гүйлдэнэ дээ. Намайг оюутан байхад шинэ оюутнууд ч андашгүй байдаг байж билээ. Бүх юм нь л шинэ байдаг 🙂 🙂 🙂 . Хувцас нь, цүнх нь гээд бүх л зүйл нь цоо шинэ. Би ч гэсэн тэдний адил шинэ оюутан байлаа. Гэхдээ одоо ямар болсныг хэлж мэдэхгүй байна. Зиа ингээд өнөөдрийнхөө нэгэн нийтлэлийг бичие. Нэгэн уншигч маань биднээс дараах асуултыг асуусан юм.
[stextbox id="grey"]Excel программын А1:A10 мужид зөвхөн тоон утга эсвэл текстэн утга оруулдаг болгохын тулд би ямар тохиргоог Excel программ дээр хийх ёстой бэ?[/stextbox]
Хариулт
Excel программд яг энэ асуудлыг шийдсэн тусгайлсан тохиргоо бол байхгүй. Гэхдээ та Excel программын Data Validation хэрэгслийг ашиглах замаар асуудлыг хялбархан шийдэж болно. Өөрөөр хэлбэл тухайн мужид зөвхөн тоон утга оруулдаг эсвэл зөвхөн текстэн утга оруулдаг байдлаар хязгаарлалтыг хийнэ гэсэн үг. Хэрхэн яаж хийх талаар одоо тайлбарлая.
Нэн тэргүүнд бид A1:A10 мужийг сонгож, Data цэснээс Data Validation коммандыг өгнө.
Үүсэх Data Validation цонхны Settings хуудасны Allow талбараас Custom сонголтыг хийнэ.
Ингээд Custom сонголтын Formula талбарт дараах томьёог бичнэ. Үүнд:
=ISNUMBER(A1) – Хэрэв A1:A10 мужид зөвхөн тоон утга оруулахыг хүсвэл энэ томьёог ашиглана.
=ISTEXT(A1) – Хэрэв A1:A10 мужид зөвхөн текстэн утга оруулахыг хүсвэл энэ томьёог ашиглана.
Ингээд OK коммандыг өгч, Data Validation цонхыг хааснаар A1:A10 мужид зөвхөн тоон утга эсвэл зөвхөн текстэн утга ордог байдлаар хязгаарлагдах болно. Хэрэв та тухайн мужид тоон утга оруулдаг байдлаар хязгаарлалтыг хийсэн нөхөлд тухайн мужид текстэн утга оруулах гэж оролдвол алдаа зааж, тус мэдээллийг A1:A10 мужид оруулахгүй.
Зар сурталчилгаа
Say bi turshaad vzeleeldee tgsen ymarch too text bichgdhgvi bn ymar uchirtai ym bol
ali ali ni aldaa zaagaad bna
Та дээрх зааварын дагуу хийсэн тохиолдолд ямар нэгэн асуудалгүй ажиллах болно. Гэхдээ зөвхөн A1:A10 мужид шүү дээ.
Bolj bnaa , thanks …
Bolj bna Bayarlalaa excel.mn
Bolj bna aa bayarlalaa excel.mn
odoo bolj bna yagad zuwhun a1-a10 bga ym uur talbar der boldogvi ymuu
Өөр муж дээр дээрхтэй адил хязгаарлалтыг хийж болно. Гэхдээ Data Validation-д бичигдэх томьёогоо өөрчлөх ёстой.