Тоон мэдээлэлд Green Triangle буюу алдааны тэмдэглэл үүсгэх нь

11 сар 06, 2019   EXCEL.mn   No comments

Оройн мэнд залуучууд. Өнөөдрийнхөө нийтлэлээр та бүхэндээ өгөгдсөн тоон төрлийн мэдээлэлд Green Triangle буюу алдааны ногоон тэмдэглэгээ хэрхэн оруулах талаар бичих болно. Өнөөдөр манай нэгэн найз маань надруу залгаад өгөгдсөн тоон мэдээлэлд алдааны тэмдэглэгээ буюу Green Triangle яаж оруулах талаар асуусан юм. Бодоод байхад Green Triangle-тай л мэдээлэл харж байснаас биш би өөрөө тэр Green Triangle үүсгэж байсан удаагүй юм байна. Хэсэг хугацаанд бодож байгаад асуудлыг хялбархаан шийдэж өгсөөн. Тэгэхээр энэ асуудлыг хэрхэн шийдэх талаар өнөөдрийнхөө нийтлэлээр та бүхэндээ танилцуулах болно.

Юуны өмнө Green Triangle буюу алдааны мэдээлэл гэж юу болох талаар товчхон танилцуулая. Та бүхэн Green Triangle-ийг өмнө нь харж байсан гэдэгт миний бие туйлын итгэлтэй байна. Энэ бол дараах зурагт үзүүлсэн алдааны тэмдэглэгээ юм.

Green Triangle нь Excel программын тухайн нэг нүдний зүүн дээд буланд байрших ногоон өнгөтэй, гурвалжин дүрс бүхий тэмдэглэгээ юм. Энэ тэмдэг нь тухайн нүдэнд ямар нэгэн алдаатай томъёолол бичигдсэн эсвэл тоон утга текстэн төлвөөр илэрхийлэгдсэн зэрэгт үүсдэг.

Үүссэн асуудал:

Бидэнд A1:A19 мужид тоон мэдээлэл өгөгдсөн байна. Энэхүү мэдээллийг D1:D19 мужид үзүүлсэнтэй адил Green Triangle алдааны тэмдэглэгээтэй болгох шаардлага гарсан.

Энэ асуудлыг хэрхэн шийдвэрлэх талаар одоо та бүхэндээ танилцуулая.

Асуудлыг шийдвэрлэсэн нь:

Нэн тэргүүнд бид өгөгдсөн мэдээллийн хажууд буюу B1 нүдэнд дараах томъёоллыг бичээд, B2:B19 мужид тус томъёог Copy/Paste хийх буюу хуулна.

=""&A1

Одоо томъёоны үр дүн буюу B1:B19 мужийн мэдээллийг C1:C19 мужид PasteSpecial-ийн Value төлвөөр хуулна.

Үр дүн:

Ингээд л асуудал шийдэгдлээ. Та бүхэн туршаад үзээрэй. Энэхүү техник нээх ач холбогдолтой биш ч гэсэн Сонирхолтой санагдаад биччихлээ. Танд хэзээ нэгэн цагт хэрэг болж мэднэ. Гэхдээ энэнээс өөр арга байдаг бол та Сэтгэгдэл хэсэгт бичиж үлдээгээрэй. Танд амжилт хүсье.

Холбоотой нийтлэлүүд

Бусадтай хуваалцах

Зар сурталчилгаа
Posted in: Excel загварчлал, Excel функц

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • Finance-XL загвар дээр гүйлгээ хийх процессийг хялбарчлах техникийн зөвлөмж (2-р хэсэг)

      Бид өмнөх нийтлэлээрээ Хаанбанкны интернэт банкнаас авсан хуулга буюу гүйлгээний мэдээлэлд боловсруулалт хийх талаар өгүүлсэн билээ. Одоо тус нийтлэлийг үргэлжлүүлээд боловсруулсан гүйлгээний мэдээллээ Finance-XL загварт хэрхэн оруулах талаар тайлбарлая. Finance-XL загварын сүүлийн хувилбарт маань Export, Import гэсэн цэс шинээр нэмэгдсэн байгаа. Тэгвэл тус цэсийг ашиглаж бид боловсруулалт хийсэн интернэт банкны гүйлгээг Finance-XL загварт оруулна.

    • Сонгогдсон мэдээлэл BOLD форматтай эсэхийг тодорхойлох

      Зиак оройн мэнд Exceler-үүд. Ажил төрөл ихтэй байгаа болохоор нийтлэлээ бичиж амжидаггүйээ. Өнөөдөр жоохон зав гарсных гялс манас нэг богинохон нийтлэл бичье. Та бүхэн BOLD гэж мэднэ биз дээ. Энэ бол тодорхой текст, тэмдэгтийг тодоруулж, бүдүүрүүлж харагдуулдаг форматын нэр. Үүний талаар ч бараг хүн бүр мэднэ дээ. Жишээ болгож би нэг өгүүлбэрийг BOLD форматаар бичье. "Цагаан сар удахгүй болох гэж байна." Энэ өгүүлбэр BOLD форматаар бичигдсэн байна. Тэгэхээр та бүхэн BOLD форматаар бичигдсэн

    • Excel эрсдэл: Текстэн төрлийн тоон утга

      Excel программ дээр тоо бол тоо, текст бол текст гэж ойлгодог хүмүүс олон. Тоон утга текстэн утгыг өөр хооронд нь ялгаж салгаагүйгээс болж маш олон асуудлууд үүсдэг. Энэ асуудлаас болж ажлын хариуцлага алдах ч тохиолдол байдаг. Ялангуяа бүртгэл, санхүүгийн хүмүүст энэ асуудал маш их хамааралтай. Тооцоололд ашиглагдаж буй Excel техникийн хувьд алдаа мадаг байхгүй ч тооцоололд ашиглагдаж буй тоон мэдээлэл маань алдаатай байснаас болж ямар нэгэн эрсдэл үүсэх магадлал өндөр байдаг.

  • Like дараад байгаарай найзуудаа

    Excel.mn