CheckBox ба хүснэгт

11 сар 30, 2014   EXCEL.mn   No comments

Зиак гадаа жоохон ч гэсэн цас орж, өвлийн өнгийг илэрхийлсэн байна. Бас нэлээдгүй хүйтэн байна шүү. Өнөөдөр 20 градус гэсэн. Одоо л өвлийн хувцасандаа орох цаг болж дээ. Миний хувьд өнөөдөр онцын, гэнэтийн ажил гарахгүй бол гэрээсээс цухуйх ч үгүй гэж бодож байна. Энэ хугацаандаа зүгээр суухыг хүссэнгүй. Нэгэн уншигчийнхаа асуултанд хариулая гэж бодлоо. Уншигч маань хүснэгтийг яаж Checkbox-оор удирдаж болох талаар нэгэн асуултыг асуусан. Өөрөөр хэлбэл Checkbox-ийг идэвхжүүлэх үед хүснэгт гарч ирнэ. Эсрэг тохиолдолд хүснэгт маань алга болно. Ердөө л энэ загварчлал юм. Бид энэ асуудалтай төстэй нийтлэлийг өмнө оруулж байсан билээ. Та бүхэн ЭНЭ линкээр орж уншаарай. Энэхүү нийтлэлийг уншиж байх явцад тус нийтлэлийн зарим техникүүд нь танд хэрэг болно байх гэж бодож байна.

Юуны өмнө бид Excel программд CheckBox үүсгэж, A1 нүд дээр байрлуулна. CheckBox-ийн Link Cell-ийг B1 нүд дээр холбоно.

Table-1

Үүний дараагаар A3:D10 мужийг сонгож, Home цэснээс Conditional Formatting коммандыг өгнө.

Table-2

Conditional Formatting цэснээс New Rule… коммандыг өгч, үүсэх New Formatting Rule цонхноос дараах зурагт үзүүлсэн сонголтыг хийнэ.

Table-4

Use a formula to determine which cells to format сонголтонд харгалзах Format values where this formula is ture: гэсэн талбарт:

=$B$1=TRUE

гэсэн томьёог бичиж оруулна. Энэ талаар дээрх зураглалаас харж болно. Үүний дараагаар дээрх зурагт үзүүлсэн Format… коммандыг өгч, Format Cells цонхыг нээнэ.

Table-5

Ингээд дээрх зурагт үзүүлсний дагуу холбогдох тохиргоог хийж, OK коммандуудыг өгөөд, цонхнуудыг хаахад бидний хүссэн загвар маань ажиллаж эхэлнэ. Хэрэв хүснэгтэнд текст оруулах шаардлагатай бол Font гэсэн хуудсанд фонтын өнгөний тохиргоог хийж өгнө.

Checkbox идэвхтэй байгаа үед:

Table-6

Checkbox идэвхгүй байгаа үед:

Table-7

Зиак та бүхэн туршаад үзээрэй. Танд амжилт хүсье.

Холбоотой нийтлэлүүд

Бусадтай хуваалцах

Зар сурталчилгаа
Posted in: Excel загварчлал   Tags: ,

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • Өнгөөр эрэмблэх техник

      Зиак, Крантинтай өдрийн мэнд хүргэе. Крантинд орж байж л нийтлэл бичих зав гарлаа. Гэхдээ цаашдаа нийтлэлээ бичиж эхэлнээ. Нээрээ сая юм бичих гэсэн чинь сошил ертөнцөд яваад байгаа зөв бичих хэв маягууд толгойнд орж ирээд үг үсгээ бодсоор байгаад нэлээдгүй хугацааг өнгөрөөчихлөө. Эцэс сүүлд нь юу ч бодохгүй, өмнөх тэмпээрээ бичих нь миний хувьд зөв мэт санагдлаа. Буруу зөрүү бичсэн бол урьдчилаад та бүхнээсээ хүлцэл өчье. Зиак, өнөөдрийнхөө нийтлэлээр Sort коммандыг

    • Семинарт хүрэлцэн ирэхийг урьж байна.

      Зиак эрхэм Exceler-үүдэд энэ өдрийн мэндийг хүргье. Ойрд гадаа цаг агаар дулаараад сайхан байнаа. Миний хувьд 1 улиралын ажил төрлөө цэгцэлээд дууссан. Бараг л чөлөөтэй гэсэн үг 🙂 🙂 🙂 .  Гэхдээ яахав ганц нэгэн хийх зүйлүүд байгаа. За ингээд өнөөдрийнхөө нийтлэлийг эхлье. Exceler-үүд надаас VBA код яаж бичиж сурах бэ? Танайх Макро, VBA код ашиглах талаар сургалт хийдэг үү? Би яавал VBA код бичиж сурах бэ? гэж байнга асуудаг. Миний хувьд яг таг мэргэжилийн программист биш болохоор

    • EXCEL Expert : Нөхцөлт нийлбэр 8 (Загварчлал)

      Танд энэ өдрийн мэнд хүргье. Та EXCEL.mn сайтаас боловсруулсан онлайн сургалтын хөтөлбөрүүдийн танилцуулга буланд зочилсон байна. Танд бидний боловсруулсан энэхүү онлайн сургалтын хөтөлбөрүүд таалагдаж, ажил мэргэжил, оюун ухаанд тань том хөрөнгө оруулалт болно гэдэгт итгэлтэй байна. Та бүхэн эдгээр онлайн сургалтанд хамрагдсанаар Excel программ дээр ажиллах ур чадвар тань нэмэгдэж, системчлэгдсэн мэдлэгийг танд өгөх болно. Та бүхэнд амжилт хүсье. EXCEL.mn ОНЛАЙН СУРГАЛТ

  • Like дараад байгаарай найзуудаа

    Excel.mn