MERGE хийгдсэн баганын мэдээлэлд боловсруулалт хийх нь

4 сар 19, 2019   EXCEL.mn   1 Comment

Зиак салхи, шуургатай өдрийн мэндийг хүргэе. Ойрд EXCEL.mn сайтандаа их засвар хийгээд жоохон зав муутай байлаа. Яагаад их засвар хийх шаардлагатай болсон бэ гэхээр WordPress-д байнгын шинэчлэл сайжруулалт хийгдээд, сайтын маань үндсэн Theme-д шинэчлэл хийгдэхгүй байсан учраас сайт маань WordPress-ийн шинэ хувилбар дээр ажиллахгүй болсон. Иймээс веб сайтанд зайлашгүй шинэчлэл хийх шаардлагатай болсон юм. Зиак энэ ч яахав. Манай сайтын дотоод асуудал. Гол ажилдаа орцгооё. Өнөөдрийнхөө нийтлэлээр та бүхэнд MERGE хийгдсэн мэдээллийн санд хэрхэн боловсруулалт хийж, өөрийн хүссэн загварт оруулах талаар нэгэн техникийн зөвлөмжийг өгөхөөр шийдлээ.

Үүссэн асуудал:

Бидэнд Excel программын A1:C22 мужид агуулагдах хэлбэртэй мэдээлэл өгөгдсөн байна. Тус мэдээллийг F1:H22 мужид үзүүлсэн хэлбэртэй адил форматанд оруулах шаардлагатай болжээ. Та бүхэн энэ талаар дараах зурагнаас харж болно.

Энэ асуудлыг хэрхэн шийдвэрлэх талаар одоо авч үзье.

Асуудлыг шийдвэрлэсэн нь:

Нэн тэргүүнд бид A1:A22 мужийг сонгож, Home цэснээс Merge & Center коммандыг өгнө. Эсвэл хулганын баруун товчийг дарах замаар Merge & Center коммандыг өгнө. Энэ талаар дараах зурагт үзүүлэв.

Энэ коммандын үр дүнд A1:A22 мужийн Merge арилаж, нэг нүдэнд тухайн утгууд агуулагдах болно. Гарсан үр дүнг дараах зурагт үзүүлэв.

Үүний дараагаар шууд Gtrl+G коммандыг өгч, Go To цонхыг нээнэ. Энэ талаар дээрх зурагнаас харж болно. Дараагийн алхамд тус цонхноос Special… коммандыг өгнө.  Үүний үр дүнд Go To Special цонх нээгдэнэ.

Go To Special цонхноос Blanks сонголтыг хийж, OK коммандыг өгснөөр A1:A22 муж дахь хоосон нүднүүд сонгогдоно. Үр дүнг дараах зурагт үзүүлэв.

Энэ үр дүнг хөдөлгөхгүйгээр шууд = товчийг дарж, A2 нүдийг сонгоод л орхино. Өөр ямар нэгэн үйлдэл хийхгүйг анхаараарай. Энэхүү процессийг дараах зурагт үзүүлэв.

Эцэст нь Ctrl+Tab+Enter хосолсон товч бүхий коммандыг өгнө. Энэ коммандын дараа бидний хүссэн үр дүн A1:A22 мужид гарах болно. Үр дүнг дараах зурагт үзүүлэв.

Ингээд л асуудал маань амархан шийдэгдлээ. Та бүхэн туршаад үзээрэй. Тэгээд Sharing is caring! 🙂 🙂 🙂 🙂

Холбоотой нийтлэлүүд

Бусадтай хуваалцах

Зар сурталчилгаа
Posted in: Excel зөвлөмж

One Response to MERGE хийгдсэн баганын мэдээлэлд боловсруулалт хийх нь

  1. Зочин хэлдэг:
    2019.04.20 12:55 am орчим

    esergeer ni ijil utgiig yaj negtgeh be.

    Хариулах

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • Семинарт хүрэлцэн ирэхийг урьж байна.

      Зиак эрхэм Exceler-үүдэд энэ өдрийн мэндийг хүргье. Ойрд гадаа цаг агаар дулаараад сайхан байнаа. Миний хувьд 1 улиралын ажил төрлөө цэгцэлээд дууссан. Бараг л чөлөөтэй гэсэн үг 🙂 🙂 🙂 .  Гэхдээ яахав ганц нэгэн хийх зүйлүүд байгаа. За ингээд өнөөдрийнхөө нийтлэлийг эхлье. Exceler-үүд надаас VBA код яаж бичиж сурах бэ? Танайх Макро, VBA код ашиглах талаар сургалт хийдэг үү? Би яавал VBA код бичиж сурах бэ? гэж байнга асуудаг. Миний хувьд яг таг мэргэжилийн программист биш болохоор

    • VLOOKUP функцийн өргөтгөсөн хэрэглээ ба тайлбар

      За та бүхэндээ амралтын өдрийн мэндийг хүргье. Шинэ оны анхны нийтлэлээрээ та бүхэнд өөрсдийн боловсруулсан бүтээлийнхээ талаар танилцуулж байгаад туйлын таатай байна. Энэ бол "EXCEL VLOOKUP функцын хэрэглээ ба тайлбар" гэсэн видео хичээл юм. Энэхүү видео хичээлд EXCEL программын стандарт функцийн нэг болох VLOOKUP функцийг ахисан төвшинд хэрхэн ашиглах бэ? талаар өгүүлэх болно. Өөрөөр хэлбэл тус функцийг олон талт хувилбараар, үр ашигтайгаар, бусад функцүүдтэй хослуулж, ямар ямар

    • 100 АСУУЛТ, 100 ХАРИУЛТ (ШИНЭ БҮТЭЭЛ)

      Зиак эрхэм Exceler-үүдэд амралтын өдрийн мэндийг хүргэе. Бид 2014 онд "100 Асуулт, 100 Хариулт" нэртэй нэгэн бүтээлээ та бүхэндээ танилцуулж байсан билээ. Тус номны маань хэвлэсэн нөөц дууссан байсан тул бид дахин хэвлэлтэнд оруулж, өнөөдөр та бүхэндээ хүргэхэд бэлэн болоод байна. Иймээс өнөөдрийнхөө нийтлэлээр та бүхэнд 100 Асуулт, 100 Хариулт номныхоо талаар дахин танилцуулахаар шийдлээ. Та бүхэн энэхүү номыг 2014 онд бичигдэж байсан ном учраас агуулагын хувьд

  • Like дараад байгаарай найзуудаа

    Excel.mn