Sheet хайччихав? (2-р хэсэг)

6 сар 19, 2019   EXCEL.mn   No comments

Зиак оройн мэнд залуучууд. Өнөөдрийнхөө нийтлэлээр Sheet хайччихав нийтлэлийнхээ 2 дахь хэсгийг оруулахаар шийдлээ. Бид өмнө нь тухайн нэг Excel файлын бүх Sheet-үүдийг Excel Option цонхонд тохиргоо хийх замаар үл харагдах төлөвт оруулах техникийг судалсан билээ. Тэгвэл өнөөдрийнхөө нийтлэлээр тухай Excel файлын сонгогдсон нэг sheet-ийг хэрхэн үл харагдах төлөвт оруулах талаар авч үзэх болно. Ер нь sheet-ийг нуух, үл харагдах төлөвт оруулах үндсэн 2 аргачлал байдаг. Эхний аргчалалыг бид өмнөх нийтлэлээрээ судалсан. Тэгвэл өнөөдрийнхөө нийтлэлээр 2 дахь аргачлалыг авч үзье.

Sheet нуух энгийн техник:

Бид аливаа Sheet-ийг үл харагдах төлөвт оруулахдаа нуух Sheet-нийхээ нэрэн дээр курсор байршуулж, хулганын баруун товчийг дарах замаар Hide коммандыг өгч үл харагдах төлөвт оруулдаг. Жишээлбэл бидэнд Sheet1, Sheet2 гэсэн нэртэй 2 sheet агуулсан Excel файл өгөгдсөн байна.

Тус файлын Sheet2 нэртэй sheet-ийг үл харагдах төлөвт оруулах шаардлага гарчээ. Энэ тохиолдолд бид Sheet2 гэсэн нэрэн дээр курсорыг байршуулж, хулганын баруун товчийг дарна. Үүний үр дүнд тухай Sheet-тэй холбоотой цэс үүснэ. Энэ талаар дараах зурагт үзүүлэв.

Үүссэн цэснээс Hide коммандыг өгөхөд тухай сонгогдсон Sheet үл харагдах төлөвт орсон байна. Үр дүнг дараах зурагт үзүүлэв.

Sheet ил гаргах энгийн техник:

Sheet-ийг нуусан бол буцааж ил аргах техникийг сурсан байх хэрэгтэй. Sheet-ийг ил гаргах техник sheet нуух техниктэй яг адил. Тодруулбал дурын Sheet дээр курсорыг байршуулж, хулганын баруун товчийг дарах замаар үүсэх цэснээс Unhide коммандыг өгнө. Энэ талаар дараах зурагт үзүүлэв.

Unhide коммандыг өгөхөд Unhide нэртэй цонх нээгдэх ба тус цонхонд тухайн Excel файлын нуусан Sheet-нүүд агуулагдана. Тус цонхноос ямар нэртэй sheet-ийг ил гаргахыг сонгож, OK коммандыг өгөхөд сонгогдсон Sheet ил харгадах болно. Энэ талаар дараах зурагт үзүүлэв.

Манай жишээний хувьд Sheet2 нэртэй sheet-ийг нуусан тул тухайн цонхонд ганцхан Sheet2 нэртэй Sheet л агуулагдаж байна. Ингээд тухайн sheet2-ийг сонгож, OK коммандыг өгөхөд сонгогдсон sheet ил гарсан байх болно.

Зиак ингээд л болоо доо. Ийм л амархан байлаа. Та бүхэн туршаад үзээрэй. Амжилт хүсье.

 

Холбоотой нийтлэлүүд

Бусадтай хуваалцах

Зар сурталчилгаа
Posted in: Excel зөвлөмж

Хариулт үлдээх

Таны и-мэйл хаягийг нийтлэхгүй.

  • Санамсаргүй сонгогдсон мэдээллүүд

    • FIND функц

      Сайн байцгаануу. Та бүхэн амралтын өдрийн мэндийг хүргье. Нийтлэл бичээгүй нэлээд удсан байна. Та бүгдийн ажил төрөл сайн гэдэгт итгэлтэй байна. Өнөөдрийнхөө нийтлэлээр та бүхэнд нэгэн функцийн хэрэглээнйи талаар танилцуулахаар шийдлээ. Энэ бол FIND функц юм. FIND гэдэг нь эрэх хайх гэсэн агуулгатай Англи үг гэдгийг та бүгд мэднэ байх. Тэгэхээр FIND функцийн Excel программ дахь үүрэг нь тодорхой боллоо. Гол нь яаж хайлт хийдэг талаар бид  энэхүү нийтлэлээр тайлбарлах болно.

    • Wingdings фонт ба EXCEL

      Сайн байцгаануу. Та бүхэнд энэ өдрийн мэндийг хүргье. Намрын налгар өдрүүд гадаад үргэлжилж байна. Хэтрүүлж хэлэхэд зуны халуунаас илүү халуун өдрүүд болж байна. Намар болоод ч тэрүү хүн болгон ажил төрөл ярьж, хот тэр аяараа идэвхжиж байна. Үүнээс болоод нийтлэл бичээгүй нэлээд хугацаа өнгөрсөн байна. Өнөөдөр харин зав гарсных нэгэн нийтлэл бичихээр шийдлээ. Энэ бол Wingdings фонттай холбоотой нийтлэл болно. Wingdings фонт нь зураг хэлбэртэй фонтын төрөл юм.

    • Ханшийн динамикийн график загварчлал

      За бүгдээрээ сайн сууж байцгаануу. Та бүхэндээ энэ өдрийн мэндийг хүргьеэ. Өнөөдөр ч гадаа цас ороод, агаар цэвэршээд сайхан л байх шиг байна да. Зам дээр явж байгаа машинууд маань бэмбэгнээд нэг л хөдөлгөөн муутай харагдаж байна. Аргагүй биз дээ анхны цаснаар манай бүх жолооч нар маань л шоконд орж, маш хянуур явж эхэлдэг. Ер нь тэгээд хянуур явахын ч буруу гэж юу байхав. Халтиргаа гулгааны үе ч эхэлж байна. Машин барьж байгаа хүн болгон л маш хянуур, сонор сэрэмжтэй явахыг та бүхэндээ

  • Like дараад байгаарай найзуудаа

    Excel.mn